`

勿灰心得太早!

個股市用食瀉藥形容都嫌唔夠貼切,呢個咁差形勢,直情可以用四川大地震形容。(講開又講,四川大地震後有風水佬危言聳 聽,話中國會有更嚴重災難云云,唔通就應驗呢個跌市上面?係話,呢個犧牲都算值得!) 隻5號仔連一百蚊個位都跌穿埋,使到從今日起,恆指成份股裡頭再冇紅底股。呢個現象又令我驚覺到依家世界重要股市裡頭,只係剩番香 港股市呢個「萬點戶」,照呢個趨勢睇,港股見九千都係必然,咁話,我地就真係唔好灰心得太早,因為更黑暗日子,仲未出現也! 十月二十三日係一個令人傷感日子,格老先生佢八十幾歲終於開口承認「我錯了!」傷感唔係因為自由市場經濟理論因此而被判死刑 呢個咁偉大議題,對我地呢小投資者講,傷感係因為我地連呢乜水「自由市場經濟」同我地現時殺到埋身難題(即係「錢去 邊?」呢個咁簡單問題)有乜關係都仲未攪得埋欄時候,銀行已經開始Cut我張白金卡同埋加我OD利息!你話唔傷感就假! 至於佢講話信錯銀行原來可以咁妄顧股東利益,胡亂咁借貸同投資,因為迷債事件,我諗大部份人同佢都起到共鳴!(至於格老 先生言論其實有冇同時暗示現時政府不斷咁泵錢俾銀行去救市呢個做法,可能同佢之前所犯「信錯銀行」呢個錯誤一樣,我就 不禁越諗越心寒!) 講到底,一個咁老同咁有地位人肯咁認真徹底地承認自己錯誤,都算係一件值得讚賞行為。正所謂人誰無過嘛! 地球另一邊,同格老先生比,較年青一點曾特首(都六十四歲!)亦企出公佈將生果金無條件地加至一千元,亦係另一件令大家注 目事。 曾特首話做呢個決定很為難,怕因此而影響其管治威信云云,有自揭瘡疤味道。計我話,點解唔大方話在討論過程中較廣泛參考各位 議員意見、社會輿論(特別係老人家反應)同埋現時社會及國際經濟形勢後,政府從善如流,決定修改生果金原來建議,然後全 面收口擺平佢。(政府話為免爭拗其實係一個很理性行為,香港市民一聽就明,根本唔駛畫蛇添足!) 至於講到乜社會太感性喇,不能作理性考慮同討論云云。呢咁高深評論,其實對我地小人物講,同格老先生講乜水「自由 市場經濟」差唔多,我地唔係幾聽得明,就懶鬼理你! 講真政府其實應該多謝班捉住生果金搏出位政客同傳媒至。睇真個施政報告,其實真係冇寫過乜,但係生果金呢件咁小 事,卻動員到全港報紙報導同埋政客攻擊,使到呢個原本冇乜施政佈告都好似好有咁,而事情發展到今日咁「估唔到」結果, 正面講,亦都算係一件好事。 呢咁艱難日子,除認錯、認衰仔(咁先識轉身同走位)、攪同攪笑外(要輕鬆同樂觀面對),寬恕同諒解,其實都係好重要 !(就好似俾人迫食蕉個議員都原諒點佢錯相個老人家一樣!)就讓我帶頭去建立一個和諧路線,勉勵一我地呢個咁難做特 政府(特別係班排隊等住粉墨登場副局長)—唔好灰心得太早,只要努力,距離光明日子,不遠矣! 政壇Porkguy 27-10-2008
SUPER 豬肉佬 SUPER

TOP