`

有感而發 不吐不快 服務業都係人

SUPER 豬肉佬 SUPER

有感而發 不吐不快 服務業都係人

最近inbox收到客人既查詢,內心越來越不快,因為實在太多客人非常之無禮貌,查詢既開場白離不開以下幾款?

1) 價錢?(得兩隻字)
2) rate card?
3) 幾多錢?
4) 想約試身最快幾時?
之後整個對話都係毫無尾音既

客問完之後我會提供free trial 活動同試衫需知以及地址同rate card (基本上佢要既資料已經俾晒),但唔會有人睇,好多客都會重覆重覆重覆咁問,而且仲有d客會彈一句試衫點解唔可以影相 (我真係好想覆佢簡單一句試衫點解要俾你影相),真既,通常問得呢句佢都唔似係屬於我地既客。究竟點解香港人會變成咁?一句唔該請問pls都講唔出?完整一句句字都唔識講?no show 3-4次仲要繼續約?上到黎不停偷影 (我地唔係傻架) ,但最無奈係我地阻止唔到佢地既預約,不過我地會心知吐明我地會用自己方法分別出來。

所以
我地就係用呢個free trial 活動方法去篩選客人,你上黎試衫我地為你介紹幫你揀衫試衫仲同你試埋wingbra 整個過程都係免費,我地只希望你地幫手分享(將好事分享俾朋友),但有無數咁多既客會反問我,你地咁得意既點解要做呢d步驟呀,聽完之後會好唔開心,因為你唔尊重服務業,唔尊重我地手做既婚紗,第二間唔駛你做任何野任試,唔代表間間都係,每一間公司做既每一樣野都有佢出發點,我地出發點就係篩選free trial 既客人減低禮服既損耗度,因為真係會有人因為要做三個步驟而放棄預約或者唔俾試身費既。

其實揀衫係件開心事,點解要咁既態度去進行呢件事呢,你咁同我地預約,我相信你一定間間都咁約,不如大家都做個有禮既香港人啦!
SUPER 豬肉佬 SUPER

TOP