`

任總出招,不同凡響!

任總出招,不同凡響! 同樣係動用外匯基金救市,件乜水副局長講到彈盡糧絕,聽日便反艇瓜柴咁款;任總卻瀟瀟酒酒、談吐自若,似足十世都駛唔晒咁。功力之高,令人喝采。 香港有任總這枝定水神針,簡直係香港人之福氣,有班懵佬政客卻鼓動任總落台,直頭懵上心口。希望港人(不論是存戶或迷債苦主)擦亮眼睛,勿被無聊政客煽動。 其實金融市場現正處於非常時期,由非常人物,用非常手段處理當務之急,最為重要。任總才智非常人,經驗豐富,手段俐落,絕對是治理亂世之能者。(睇見鬍鬚曾坐佢隔離(仲要坐正中間),好似小學生咁款,便知點先至叫「醒」!) 雖然係咁,講句公道,卻又不能不提任總前日立會種非常卸膊技巧,班議員鑽足八粒鐘,先至鑽到任總應承今個星期內完成第一單case,你又不能不叫「妖」! 其實真係唔明一單case點解要攪咁耐(若果文件真係複雜到連金管局班官都要睇咁耐至明,你叫苦主點睇得明!咁就真係要立即起訴執法喇),希望金管局班官唔係度諗緊計,諗點幫自己個老細打完場就好!(至於邊個至係老細,香港市民?存戶?特區政府?銀行?任總?則由讀者自己估!) 其實咁多時間查乜都多餘,最緊要查就係銀行推售毒債(包括雷曼及其他(暫)未出事之金融機構所發行之產品)時所賺取利潤有幾多,才是最重要!睇銀行從中賺幾多,等消費者(存戶)知道,可能才是金管局能做到,而又係最好之工作。 又講多句公道說話,有銀行今次無斷正係雷曼毒債上面,唔一定代表佢監管優勝過人,你睇如果美國政府唔係出手救AIG,美銀唔係入股美林、大摩同高盛唔係班到水話,苦主何止四萬,損失何止二百億。查全港銀行在推售金融產品之不正當手法及其利益給全港市民一個答案,似乎比其他單獨case更重要。 毒債問題未必係個別銀行之問題(若係後果較輕),毒債問題可能係整個金融市場之問題(這便十分嚴重了),將調查包括至全港銀行,銀行亦可能會較合作同接受,亦較能令政府、監管機構及市民更了解香港金融體系之結構及風險,值得探討。若然能夠將銀行(包括全港銀行)從這些非法經營所得之利益作為懲罰性罰款,並以此作為補償給苦主之基金,更肯定大快人心。 既然香港已於昨天實施存款全保制,在金融風險較低之環境下(存戶擠提致銀行倒敝之風險已獲適當控制),金管局實應策動一次更全面之檢討及改善工作,讓香港國際金融中心地位,更加鞏固。 選領軍人物?梗係任總喇! 政壇Porkguy 15-10-2008
SUPER 豬肉佬 SUPER

TOP