`

亂世出賭徒

昨晚歐美股市又再大幅下挫(香港則先跌近千點預警),樂觀氣氛,一眨眼就冇。依家個金融市場,用「七國咁亂」形容都冇乜錯。咁又有七國財長,佢地是否可以將個亂局擺平,我諗多數都只能事後孔明。 古時亂世出英雄,依家就亂世出「賭徒」。但諗落又真係冇乜辦法。賭又死,唔賭又死(可能仲係死硬個死),倒不如,搏一搏,要死都要死得轟烈。我諗呢個想法,正是世界各國各位領導之主導思想,乜救市英雄,乜救市政策,到最後拍板人個腦裡面,都只係一個問題,「呢鋪賭唔賭?」(若果佢仲度諗緊乜鬼佛利民、凱恩斯、馬克思話,就唔該叫佢快早抖!) 面對金融海嘯,尋日個施政報告都睇到,(有部份可能係傳媒斷章取義或私人恩怨,但出得行,應該預),曾特首似乎仍然好享受佢次股災入市之標炳功績,因而好多有關呢方面,好似什麼銀行回購方案呀,乜「經濟機遇委員會」呀(仲要坐埋主席個位),都預埋自己一份(賭埋一份?),並一貫顯出無比決心。 九八年股災入市,無疑係一次值得讚賞(但不值得驕傲)的行動,但歸根究底,次都只能以「賭贏」形容(絕對唔係「戰勝」),並且仲有阿爺後面照住,真係正如曾特首自己之前句金句:「呢鋪想窮(輸)都難咯!」但係今時今日,阿爺頭仲度倒緊奶,呢頭又發現豆角有問題,我諗阿爺呢排就算唔「頭都大埋」,都幾「頭痕」!冇阿爺後面撐住,曾特首想賭呢一鋪,都唔可以講話冇風險。 總知一句,呢次金融海嘯所引起原因係「賭」,仲要係一無贏家「賭」(就連國師張大教授上星期都佢個專欄問:「錢去邊?」),要解決呢個問題最主要策略,當然都「賭」!(賭投資者、企業信心回復;賭少天災人禍;賭金融制度不致全面崩潰!!) 在此謹希望曾特首帶領我香港賭呢鋪陣時,少無謂驕傲,多人性細心,則香港人就算輸,條氣都輸得順! 政壇Porkguy 16-10-2008
SUPER 豬肉佬 SUPER

TOP