`

「迷債唔係債!生果金唔係生果金!」

其實我對曾特首能力一直沒有懷疑過,今期施政佈告之重點,其實真係可以用上述兩句話概括起來。(迷債 = 金融問題;生果金 = 民生問題)。曾特首能一針見血地表達出來(重要加埋佢立場,即係兩樣都唔係你地睇得咁簡單!),我想佢同佢班智囊都真係花唔少功夫至度到出。但係劇本就有,之不過係表達出時候,曾特首硬係差火喉(即唔夠入戲),若班智囊加入個詹Sir咁樣顧問,教番佢兩度,我諗效果一定好好多。(例如當隻癲狗尋日立會曾特首張學生證出陣,曾特首何妨即刻跑上前,一聲不響並抵死地戴起佢,然後先答佢問題等等!) 言歸正傳,「迷債唔係債!生果金唔係生果金!」其實係現今世界上最大問題。中國,最近就出現「奶唔係奶」、「果汁唔係果汁」事。美國次按問題就正係「業主唔係業主」、「車主唔係車主」問題所引發!至於美國政府之前伊拉克發現「大殺傷力武器唔係大殺傷力武器」,美國人民因而明白到「恐怖分子唔係恐怖分子」問題,正在影響緊依家大選情況。 曾特首有上述見解,就證明佢都未算水皮(唔熟書唔一定唔合格!)。至少在意識形態及立場上(迷債事件企苦主邊;生果金問題就唔企較有錢批人邊),算係押注碼。但係迷債事件上面,佢立場同觀點仍有值得商榷之地方。 曾特首解釋「迷債唔係債!」意思係迷債屬於複雜投資產品,不應視為債券。在解答余大狀陣仲隱約講到自己都有睇過文件才得出此「結論」。(最近期東周定壹周?)呢個講法,有問題,問題不在於債券定義問題,而在於講到債券好似係一件好safe投資產品這一觀念上面。曾特首意思好似係,若果班苦主銀行買到真係「債券」,就應該好safe同冇事!(希望我唔好誤會佢意思其實係若果班苦主銀行買到真係「債券」,就關我差事就好!)但事實係若果美國政府唔係出手救房利美同房地美,我諗連國際專業債券投資者,同樣損失不菲。 因此用「迷債唔係債!」呢個觀點幫班苦主(若我沒有會錯意話)話,就有問題。若果真係想幫,講法應該改為「存戶唔係投資者,銀行就唔應該提供一唔係存款投資產品俾存戶!」或者「若果銀行要賣埋高風險投資產品俾客戶,呢銀行就唔係銀行!(即係釘佢牌!)」咁講法雖然煩,但最緊要就係講中。 由於金管局已為全港存款推行全保制,存款同債券所面對風險,分別更大。至於在個別事件之調查過程中,特別係突然由定期變成迷債之個案中,若果個銀行職員真係冇講解過存款保險這個咁明顯分別,並在交易中為其僱主(銀行)賺取高於從存款賺取利潤情況下,銀行不法推售金融產品呢個指控,要成立應該唔會太難! 政壇Porkguy 17-10-2008
SUPER 豬肉佬 SUPER

TOP