`

招牌跌落街!

招牌跌落街! 迷債事件當中另一引起人注意地方係香港有錢佬(有錢婆)原來真係咁多。公仔箱睇見其貌不揚師奶阿嬸、原來個個都係百萬、千萬富婆!(當中唔知有冇係他信同扁嫂親戚!)銀行門口追討班富公富婆,真係多到招牌跌落街都「責」死幾件。 講開招牌跌落街呢個比喻,其實都可以用分析一依家迷債事件責任問題。迷債事件就正如個招牌跌落街,仲「責」死人,死人班苦主要搵人負責,應該搵邊個呢?依照簡單推理法,當中牽涉人應包括(1)擁有呢個招牌商店同經營者(銀行是也);(2)承造呢個招牌承造商(發行商及分銷商是也);(3)批准掛呢個招牌個政府部門(證監會是也);(4)發商業登記證俾呢間商店部門(金管局是也);(5)請商業登記處處長位老細(曾特首是也)。 咁樣講法,似乎曾特首同金管局又真係唔多關佢地事,算幾無辜。至於證監會,又似乎都有幾大責任(因為佢都應該知道個承建商造工程唔係幾穩陣,就算批准之後才發現,佢地都應該派人去跟查)。至於銀行同發行商及分銷商就必定難辭其咎了,因為個招牌係佢擁有同制造,穩唔穩陣,當然要負責,而且佢地並曾經因為呢個招牌獲得商業利益。(依家情況就好似個招牌係掛佢地商店外地方,掛時候好安全,但係大風吹跌,跌條街度,由於唔係跌佢鋪頭範圍裡面,所以佢地唔打算負責!) 咁樣分析簡單而直接,肯定俾班聲大冇準政客到題好多。所以要解決事件,有時用人直覺判斷,普羅大眾會較易理解。至於成立乜專責小組去查呢之後事,我諗班苦係唔會介意(你埋呢錢)同在意。其實專責小組查到乜都冇用,因為對班苦主(真正)講,最需要就係番筆養老金、醫藥費同棺材本,乜金融改革、經濟機遇等等!佢都未必有機會享受到呢美好成果(若果有話)! 言歸正傳,其實招牌商業社會裡頭,真係好重要(商家佬最忌就係比人拆招牌)。做生意,首先梗要諗點省(掛)靚個招牌,之後就要諗計點先可以保得住佢,(本來唔明,但發生完今次迷債事件,就明晒!)。做銀行生意,個招牌就應該更加重要(唔信你去中環睇睇,就知道銀行招牌幾高幾大,仲要掛到通街都係),之不過班銀行大班似乎有本末倒置,特別係當佢度全力拓展佢「非利息收入」陣時,自己個招牌都變得次要,不值一提(部份仲會被其他更大招牌迷惑,出現迷李(惑)債券呢個不幸事件)其實班銀行大班佢有冇認真諗過,當佢地個招牌遇上大風同紮得唔好話,係會跌落街,仲會「責」死好多人!(雷曼事件反映,招牌愈大,死人則愈多!) 照咁睇,要銀行負責攪番好呢個大頭佛,又確係幾公道喎! 政壇Porkguy 21-10-2008
SUPER 豬肉佬 SUPER

TOP