`

問過阿爺先!

間中字頭公司炒外匯輸過百億(又係億億聲),全城嘩然!雖云「亂世出賭徒」,但都唔駛賭到咁大!呢件事引發另一個我時常談 及問題,就係「錢去邊?」呢個問題!同我一樣,相信有好多人都好想知道咁好彩有機會同佢對賭間Bank係邊間!(佢地管理 層依家都可能煩緊駛唔駛出「盈喜」,唔係又話違反上市條例!)(有人爆係5號仔,但被訪問時都支吾以對,梗係喇,當你諗錢係邊 度贏番,你就明點解唔可以咁揚!) 長毛鬼依書直說,有攪「串」個Party!六個星期係咪長,(呢鋪就冇得賴京奧,都吹雞完場咯!)就要睇睇呢六個星期實際 做乜才可判斷,(當然唔係度度緊點執位喇!相反我覺得太子女係無辜機會多,因為佢地多數都係唔駛點做,掛個名就要 隻咁大鑊,其實有可憐至真!)實情可能係大拿拿百多億,就算阿媽有,都要問阿爺!特別係咁風頭火勢日子,要度百多億出 填數,阿爺都實有肉赤,循例都要查查佢,至於有邊個部門查過?就自行判斷!(梗係唔係交易所同證監喇,佢地依家先出打完 場!)至於班立會議員又話想開個「查」會查查佢,話要保障投資者利益云云,又係句,「氣!」 呢督咁大屎,發展落去會點,斷估唔會去到封艇拉人咁大件事(就算有內幕交易,都應該同管理層無關),照我睇只有一個途徑,就 係賣完田,賣完地之後,阿爺會收番晒!(唔係點抹得晒呀!)(班立會議員提出即時同佢拆骨,都未曾問過阿爺,似乎有飲大 !)至於點收,可能亦已經六個星期裡面plan好,若果係咁,呢六個星期又唔算長咯!相反仲幾efficient! 政壇Porkguy 23-10-2008
SUPER 豬肉佬 SUPER

TOP