`

講開又講「救邊個先?」呢個問題

貴為一個幸福男人(在於冇女人煩住),曾特首在面對目前呢個咁棘手問題(即係「救邊個先?」呢 個問題),都難免出現一九唔搭八情況。 就好似呢個人人叫緊救命時候,成立由自己做主席個乜鬼「經濟機遇委員會」(簡稱「經機 會」),就似乎早!選人方面亦招受輿論或多或少抨擊。(其實傳媒針對「經機會」係選 人方面問題與任命副局長一事來作比較,係有唔公平,就只係有糧出同無糧出呢個咁大分別,就 已經委屈班被選中委員。反而最值得詬病地方,可能係出自呢班被委(or被屈)社會賢達,都 同曾特首一樣,都係來自幸福家庭,要佢地幫我地諗計去解決「救邊個先?」呢個牽涉婆媳糾紛同大 婆二婆呢咁「糖心風暴」式問題,又難免令觀眾(香港市民)有失望感覺。(套戲睇得唔過癮都 會做成觀眾失望心情,請曾特首留意、留意!)) 但「經機會」既已成立,人亦委(屈),在情在理,都好難即刻解散佢咁冇face!呢個情況下,我 會建議曾特首以廣招熱心而又有能力參與救港救市人才為原則(定係藉口?),成立多一個委員會來處 理呢個問題。 基於香港經濟有著由一個小漁村發展成為今日國際知名金融中心呢個奇蹟故事,因此不妨將此委員會美名 為「經濟奇蹟委員會」(簡稱「經奇會」)來表現出香港呢個咁獨特背景!(若果有人有另一個睇法, 即係覺得若果成立個乜鬼委員會就能夠成功為香港經濟脫險話,呢個都真係一個奇蹟囉!我亦都唔會唔 同意!),並招攬處理婆媳糾紛同大婆二婆呢咁難解問題上有豐富經驗人參加,慕求為「救邊 個先?」呢個問題,盡快尋找出一個妥善解決方法。 至於人選方面,若果曾特首心目中沒有適當人選,小弟亦可推薦一個絕到痺組合俾佢參考,推薦名單如下: 委員會主席:賭王或大劉 委員會副主席:梅哥哥或基基 委員會常設委員:祥嫂、Do姐、朱腸慶 委員會顧問委員:郭大少、風水陳 呢班簡直係處理呢問題精英中精英,曾特首若果能夠成功招攬佢地參加「經奇會」協助香港解決 「救邊個先?」呢個咁棘手問題,實是港人福氣。(最少都能起到觀眾睇得過癮效果!) 呢班精英點威猛法,編幅所限,明天再談! 政壇Porkguy 3-11-2008
SUPER 豬肉佬 SUPER

TOP